デポルティーボ・ラ・コルーニャさんのインスタグラム写真 - (デポルティーボ・ラ・コルーニャInstagram)「#ANOSACANTEIRA | #OSNOSOS David Mella, #deportivista até 2026 David Mella Boullón (Santiago de Compostela, 23 de maio de 2005) renovou esta tarde o seu contrato co RC Deportivo até xuño de 2026 nun sinxelo acto na sede social. O atacante deportivista, aínda en idade xuvenil, está a facer a pretemporada co primeiro equipo ás ordes de Imanol Idiakez e, a condición de que o corpo técnico estímeo conveniente, lucirá nos partidos de #PrimeraFederación o dorsal 27. Mella é un produto da Cidade Deportiva de #Abegondo. Chegou a #ANOSACANTEIRA ao equipo alevín na temporada 2016-17. Aínda en idade cadete, proclamouse campión de España co Xuvenil A (temporada 2020-21) ás ordes de Óscar Gilsanz. A campaña seguinte (2021-22), xuvenil de primeiro ano, foi un dos destacados na histórica participación do #Dépor na UEFA Youth League, con partidos memorables en #ABANCARIAZOR que asombraron a toda Europa polo xogo e polo ambiente grazas a #ANOSAFORZA. Xa un dos fixos no #Fabril de #TerceraFederación co que conseguiu o ascenso a #SegundaFederación a temporada pasada (2022-23) como campión do Grupo 1, aos poucos foi participando no primeiro equipo, primeiro en adestramentos e logo en partidos amigables durante a pretemporada (o verán de 2022 foi a primeira) até que o 20 de maio de 2023 debutou en partido oficial en #ABANCARIAZOR ante o Algeciras CF saíndo desde o banco e á semana seguinte foi titular ante o Pontevedra CF en Pasarón no peche da liga. David Mella ademais foi internacional con España en categorías sub-15, sub-16, sub-17 e sub-18, a última ocasión a campaña pasada. Tivo a oportunidade de xogar un Campionato de Europa sub-17, onde anotou 1 gol; nun torneo no que España foi apeada por Portugal en cuartos de final.」7月20日 2時00分