デポルティーボ・ラ・コルーニャさんのインスタグラム写真 - (デポルティーボ・ラ・コルーニャInstagram)「#OSNOSOS | O #Dépor de Imanol Idiakez bota a rodar en #Abegondo Completadas onte as probas médicas e físicas habituais en cada inicio de pretemporada entre a Cidade Deportiva e o Hospital @quironsalud A Coruña, o #Dépor de Imanol Idiakez comezou a rodar esta mañá nos campos 2 e 3 de #Abegondo. Despois do almorzo xa na propia instalación, o Presidente Álvaro García Diéguez, acompañado polos Conselleiros Carlos Ballesta e Álex Bergantiños; o Director Xeral Massimo Benassi, e o Director Deportivo Fernando Soriano, deu a benvida ao equipo no propio vestiario. A actividade arrancou no ximnasio cunha tarefa de activación baixo a supervisión dos preparadores físicos Sergio Roca e Javier González (Valladolid, 27 de febreiro de 1989), que se incorporou ao staff do primeiro equipo. Licenciado en Ciencias da Actividade Física e do Deporte, acumula anos de experiencia no alto rendemento como preparador físico e recuperador. Grazas á súa traxectoria, Javier González conta tamén con experiencias noutros campionatos como o chipriota (na AEK Larnaca), mexicano (Cancún FC), indio (ATK Mohun Bagan ou FC Goa), selección nacional de Taiwan... Imanol Idiakez dirixiu a súa primeira sesión de traballo, que consistiu nun quecemento, roda de pases, rondos e unha tarefa de posición. Pablo Vázquez e Davo, as últimas fichaxes do #Dépor, xa traballaron con total normalidade; do mesmo xeito que o resto de incorporacións como Paris Adot, Germán Parreño e Mikel Balenziaga. Os fabrilistas Brais Val, Jairo e Álvaro Santamaría uníronse esta mañá ao primeiro equipo, ademais dos canteiráns que estarán en dinámica do primeiro equipo toda a temporada como Martín Ochoa, Diego Gómez e o xuvenil David Mella. Mañá xoves, o #Dépor adestrarase na Cidade Deportiva ás 10:15, con almorzo previo a partir das 9:00.」7月19日 21時17分