デポルティーボ・ラ・コルーニャさんのインスタグラム写真 - (デポルティーボ・ラ・コルーニャInstagram)「#OSNOSOS | O #Dépor prepárase desde hoxe luns para, en Castalia, "ter respostas a todo aquilo que poida suceder" O #Dépor adestrouse esta mañá na Cidade Deportiva xa de cara ao partido de volta da semifinal do playoff de ascenso, o vindeiro domingo 11 de xuño ás 18:00 en Castalia. "O de hoxe (por onte) xa pasou e agora, a pensar no seguinte. Hai que preparar moi ben a volta, ter respostas a todo aquilo que poida suceder e veremos quen parte de inicio e quen non parte de inicio", comentou en rolda de prensa Rubén de la Barrera ao concluír o partido de ida en #ABANCARIAZOR. Como é habitual, na sesión desta mañá o cadro branquiazul estivo dividido en dous grupos. Os titulares onte tiveron unha xornada de recuperación, con carreira continua, estiramentos, ximnasio e fisioterapia. Para os demais membros do cadro deportivista, a mañá foi de alta carga física, cun quecemento, roldo, unha tarefa de finalizacións e fútbol reducido para concluír. Ante os medios de comunicación, o técnico coruñés advirte que "os obxectivos os logran non soamente os once que saen senón os que achegan desde o banco". Nesta liña, cre que a clave é que "aquel que lle toca xogar 1 minuto, 2 ou 23 salga e faga o que ten que facer para axudar ao equipo". Mañá martes haberá xornada de descanso. #OsNosos adestraranse de novo o mércores 7 de xuño ás 10:30 en #Abegondo, con almorzo previo a partir das 9:00 xa na propia instalación branquiazul.」6月5日 21時12分